احنا بقينا عاملين زى المعازيم فى فيلم بداية و نهاية لما كان فريد شوقى بيغنى و صوته وحش اوى و الناس مش طايقاه لكن كل ما مواطن من المعازيم يعترض على صوته يقوم فريد بعضلاته يضربه و يقوله اقعد و يرجع يغنى تانى بصوت وحش و يقول طيب و الله زمان... زمان و الله....فيصرخ واحد تانى منهم فيقوم فريد يضربة على قفاه و يقوله اقععععععد و يغنى تانى!
كأننا محتلين و ماعندهمش غير الامن يسيطروا بيه...يعنى بيضربوا كل الفئات و بيستعملوا القهر مع ان الحل بسيط و مطالب الشعب مشروعة و هي ابسط حقوقه مش منحة من حد و لا البلد ملك فرد
رد فعل النظام السلبي تارة و القمعى تارة هو اهم عامل مساعد بيؤدى لاتحاد كل الفئات على اختلاف انتماءتهم و اعتقد ان البوستر اللى طبعه حزب الغد و اتقبض على شبابه و همه بيلصقوه بيدل على كده و بالرغم انه مجرد صورة لكن واضح ان حتى الصورة اصبحت مخيفة لهم و تتطلب القبض على مرويجيها
يوم بعد يوم الدائرة بتوسع و أفراد و فئات اكتر بينضموا مش لانهم سياسين لكن لانهم مواطنين مصريين و مطلبهم مطلب وطنى... الحق فى الحياة الكريمة
اترككم مع كليب اطلق رصاصك..كلمات مصطفى الجوهرى.. مهدى من حركة 6 ابريل
تيرز
ReplyDeleteهذا الحزب يحتل مصر فعلا فليس مهم ان يكون المحتل اجنبيا لكى ينهب خيرات البلد ويسرقها بل ويبيعها ايضا بل هو حزب المنافقين وواللصوص والفاسدين وينسى الحزب ان الحزب الشيوعى السوفيتى الذى استمر فى السلطه سبعين عاما واكثر وكان من اثنى عشر مليونا من الروس سقط فى عشرين يوما ..انهم لايفهمون هذا الشعب يا عزيزتى ..ة
هتف الاحرار لمصر و انت تهتف لصنم
ReplyDeleteبجد قصيدة رائعة اوي و الله
و الجملة دي عجبتني اوي اوي
اختيار كلماتها فعلا روعة
تيرز حبيبتي انا نفسي الحكومة تغير ضمايرها بقى
او اننا نولع فيهم و نريج نفسنا و خلاص
هههههههههههههههههه
بضحك و الله من قلة الحيلة
ربنا على الظالم و المفتري يا رب
و ينصر كل من له حق يا رب
بس صدقيني بردو ده يتوجب علينا كلنا اننا نبقى كويسين و ناس نضيفة و ضمايرها سليمة
ربنا يهدينا و يوفقنا جميعا يا رب و يكرمنا بمصر اللي نتمناها يا رب
بجد وحشتيني وحشتيني وحشتيني وحشتيني اوي اوي اوي
خالص حبي و تقديري
هو بس لو كل ظابط ومخبر وامين فى قوات مكافحة الشغب وقامعى المظاهرات سأل نفسة هو مصرى ولا لأ ؟ بيعرف ينام باليل بعد ما ينفذ التعليمات ضرب و شتم وسحب على المعتقلات كأن المواطن اللى بيتعمل فية كدا مالوش اى حقوق ومش مصرى زية .. لو الداخلية بطلت تبقى يد البطش و سيف الظلمة على رقاب راغبى التغيير والمطالبى بحقوقهم زى اى مواطن فى العالم الحر مش زى هنا فى دولة الاستبداد وحكومة الخونة عبيد الكراسى
ReplyDeleteيا بنتى انا خايف عليك خففى شويه احسن كل المدونات متراقبه .. وانا ما عنديش لا عيش ولا حلاوه
ReplyDeleteHaytham Alsayes
ReplyDeleteمرحبا بك دائما
الامن متوحش فى كل مكان و لا اعرف اين ضمائرهم او عقولهم فقد اصبحوا ممثلى جنود الاحتلال رغم انهم مننا فلهم زوجات و ابناء و ام و اب و اقارب و جيران مننا
سهيل ولى الدين علام
ReplyDeleteشكرا لاثرائك للموضوع و فعلا متفقة معك ان المحتل ليس بالضرورى اجنبى بل ان المحتل المحلى اسوأ لاننا بهذا نفقد الدعم الدولى
مهموهة
ReplyDeleteالمشرقة دائما نورتى
فعلا كلماتها حلوة و اثرت فيه و خليتنى دمعت عشان كده قلت اجيبهالكم
اقتراحك اللى قلتيه بهزار و جيهة جدا و اعتقد ان فى الاخر مش ح يلاقوا حل غيره لان واضح ان الحكومة عايزة كده
:))))
Tears العزيزة
ReplyDeleteموضوعك هذا جميل جدا سواء ماقولتيه عن من يضرب المعازيم لأنه قوى مثل فريد شوقى زمان والحقيقة متفق معك تماما فقد تربينا منذ الصغر على المبادئ ولن يثنينا أحد عنها
ثانيا:عجبنى جدا الشعر الذى بالفيديو جسمى إقشعر وأنا أسمعه كأنه من الشعراء القدامى مثل البحترى أو أبو فراس الحمدانى أو حافظ إبراهيم أو أحمد شوقى أو أمرؤ القيس ( ياترى إسمه إيه هذا الفذ)
والحقيقة الثالثة دخلت على مجلة الدستور وعلقت بالساعة 19.1 وحايعجبك تعليقى المنشور عند إبراهيم عيسى وشكرا لك
العزيزة Tears
ReplyDeleteألفت قصيدة بالأمس عنوانها"قدساه لاتنتظرينى" وكنت منتظرك لكى تعلقى عليها لاتجعلينى أنتظر أكثر وشكرا لك.