الوحدة العربية : ان تعاني كل دولة عربية من الشعور بالوحدة!
حرب الشوارع : قيادة سيارة في شوارع القاهرة.
الحرية للجميع : للشعـب ان يقول ما يشاء ، وللحكومة ان تـفعـل ما تـشاء.
النظام الملكي : عند وفاة الملك ينتقل الحكم لابنه ليصبح هو الملك الجديد.
النظام الجمهوري : عند وفاة الرئيس ينتقل الحكم لابنه ليصبح هو الرئيس الجديد.
حرية النشر : تمارسها النساء عـلى السطوح في المناطق الشعـبـية.
الديمقراطية: من حقك تقول رأيك و من حقي أحبسك
الشفافية: إن يكون الفساد شفاف و محدش يشوفه
قانون منع الإحتكار: قانون لمنع أي أحد من مهاجمة من يحتكر السلع و يحتقر الشعب
حكمة الرئيس: هو الصمت أمام أي إساءة و مرمطة للوطن و المواطن
مفجر ثورة التغيير: هو من يغير الدستور و يفصله على مقاسه
التأميم: هو سرقة أموال و شركات و مصانع قبل الثورة لبيعها و الإستيلاء عليها بعد الثورة
الصحوة الإسلامية: هي تنفيذ أحلام التسلط و التكفير و التعصب التي حلموا بها أثناء نومهم قبل أن يصحوا
الدولة مع محدودي الدخل: هي سلب دخلهم المحدود حتى ينعدم تماما
Written By Last Resort
تيــــرز
ReplyDeleteيضحك بجد والله انتي صعبانه عليا مقهووورة من أم الحكومه ولا حد حاسس بيكي
أحلي حاجه يا بنتي عيشي زي كل الناس أخرة القهر ده ايه.؟
بس والله وبجد اسلوبك رائع جدا حلو الاسلوب الساخر ده قوي
تسلمي ويارب يحميكي
تسميات كتير بس الانسان فين هو اللى بيحكم واللى بيطبق اى نظام سواء ديمقراطيه او جمهوريه او اشتراكيه ولو درسنا تاريخ الشعوب هنلاقى انظمه وسياسات كتير وااننا لازم نتعلم ونأخد بالنا زى ماخاف المفكر توبينى من انهيار حضارتهم الغربيه وقال لازم نبص للحضارت الاخرى ونخاف انها تنهار وان ممكن تكوت الايدلوجيه الحديثه والتكنولوجيا سبب فى انهيار الحضارات
ReplyDeleteمفاهيم كتيرة لازم نتعقلها بس فى النهايه هى باختيار الانسان وده فى حد ذاته حريه
دومتى بصحه تحياتى
الداخلية : مكان تدخله بالبدلة و تخرج منه بملابسك الداخلية
ReplyDeleteعلى باب الله
ReplyDeleteاضافه حلوة جدا و لها مخزي قوي
:)
Kontiki
ReplyDeleteلو تعمقنا فى معناه ح نجده مبكي فقط
!
حرروف
ReplyDeleteاشكرك و اتفق معك و لكن اشعر ان حان الاوان لتغيير قوي و جذرى
ehabafndy
ReplyDeleteفعلا جيت على الجرح...بس هايل
:)
شكرا لك
شر البليه ما يضحك :)
ReplyDeleteدى مش معانى مغلبانى
ReplyDeleteدا فهرس حياتنا وواقعنا المعاش
بوست جميل
على فكرة انا رديت على طلبك عندى
اقوال مأثورة فعلاً ، انا عجبتنى قوى المقولة الخاصة بالتأميم بس احب اضيف ان التأميم وصمة عار دفع ثمنها كل الأجيال من اكثر من 50 سنة و لا زلنا كلنا بندفع ثمنها حتى لو حاولوا يغيروا و يعتمدوا ع القطاع الخاص لان الموجودين مش رجال أعمال و لا عندهم ذمة و لا ضمبر بل مجموعة هبيشة و منتفعين ظهروا مع ظهور الفساد المصاحب لاى نظام شمولى زى اللى وضعه مدمر مصر الحديثة بعد انقلاب 52 و اللى ما فيش حد هايعرف يغيره بعد مئات السنين عشان الرضعه اللى رشى بيها الشعب الغلبان اللى كان بيهلل له و يقوله يا حبيب الملايين و هو اللى ضيع مستقبلهم وفرصهم فى اى تقدم و اكلنا كلنا الحرام من دم الناس اللى اممهم عشان يبقى زعيم، لعنة الله على الظالمين و حسبى الله و نعم الوكيل
ReplyDeleteحلوة أقوى المصطلحات دى يا Tears ...تصدقى فى مكانها فعلا...بس فى حاجتين عايزة أعلق عليهم:
ReplyDeleteالتأميم : تفتكرى كان غرض عبدالناصر من التأميم كدة؟؟ ولا اللى كانوا حواليه هما اللى كان أغراضهم سيئة...ولا نفذه الفكرة اللى هوه طرحها غلط؟؟؟
حكمة الرئيس: دى بالذات بقه لازم تسمعى تفسيرها من الأستاذ/ عماد الدين أديب..بيقولك ان الرئيس مبيعرفش يعمل دعاية صح لحكمته وصمته المدروس...بياخد قرارات حكيمة ومدروسة بس فى صمت شديد وده غلط...أنا بقترح على الأستاذ عماد الدين أديب يبقى يعمله فيديو كليب لذوم الدعاية
شكرا على البوست ده
Hager Za3bal
ReplyDeleteشكرا لكى و مرحبا
هموس
ReplyDeleteعزيزتى لشكرك جدا على تشجيعك و اهتمامك
تعريفاتك قيمة
:)
elmasryeffendi
ReplyDeleteمتفقة معك و لكن الناس كانت معمية و اعتقد انهم مازالوا هكذا
شكرا على زيارتك القيمة
ههههههههههههههههه
ReplyDeleteوالله انتى مشكلة
تعاريف واقعية لابعد الحدود
حلـم،،
ReplyDeleteاهلا بك حلم...اشكرك على التشجيع و لكن للعلم هذه ليست كلماتى بل كما هو مبين كتبها صديق المدونة
Last Resort
تدوينة غريبة وجميلة
ReplyDeleteA. Waheed
ReplyDeleteاشكرك...مرحبا
a7med-Mado
ReplyDeleteمرحبا أحمد و اهى بك دائما
شكرا على تشجيعك