ابليس حاطط الدستور
مصر الحرة ماهيش للورث
تحيا مصر
دى عينة من الهتافات التى هتفتها الحشود أمس...قدرتها وسائل الاعلام بثلاثه الاف...التى استطاعت الوصول للمطار لاستقبال الدكتور محمد البرادعى...منظر تدافع الناس و حماسهم من مختلف الطبقات و التيارات مش جديد و شوق المصريين للحرية و العدالة عمره مديد اوى
لكن يا ترى المرة دى بجد و نقدر نعمل حاجة و نقف وقفه واحدة وقت اللزوم زى ما شعب لبنان اللى تعداده اقل من خمس شعبنا بيقدر لما يغضب ينزل فى الشارع مليون مواطن و لا برضة المرة دى ح تمر زى ايام الفين و خمسه و يرجع تانى الشعب الصابر على الذل و الفساد و الاستعباد يهدا و يسكت؟؟
لكن يا ترى المرة دى بجد و نقدر نعمل حاجة و نقف وقفه واحدة وقت اللزوم زى ما شعب لبنان اللى تعداده اقل من خمس شعبنا بيقدر لما يغضب ينزل فى الشارع مليون مواطن و لا برضة المرة دى ح تمر زى ايام الفين و خمسه و يرجع تانى الشعب الصابر على الذل و الفساد و الاستعباد يهدا و يسكت؟؟
يا ترى قربنا نفوق بجد المرة دى و لا دى صحوة الموت؟...موت حاجات كتير اوى و معانى أكتر...موتناها على مر السنين بالضعف و الخنوع و الجبن
لانى كنت وسط الناس فى الفين و خمسه و نظرا لحاجات كتير شفتها بقول ان ماعنديش أمل فى الشعب ...لكن مين عارف؟
مش ح اكلم كتير لان الصورة ابلغ من اى تعبير....اول فيديو فيه تقرير كامل و شيق خاصة تعليقات الاعلامى حسين عبد الغني المصاحبة من امام المطار و كلمة د.علاء الاسوانى و الفيديو التانى الهتافات خارج المطار و التالت من داخله
المشكلة هى هل الناس عايزة البرادعى يبقى رئيس فعلا ولا المهم عند الناس انه مش مبارك و خلاص
ReplyDeleteللاسف الايام دى بتفكرنى بالقرن الماضى ، نفس التسلسل وصولا الى ثورة 19 الثورة الوحيدة فى تاريخنا لان من قام بها هو الشعب مش الجيش، و هكذا فى راى المشكلة مش فى النظام الحالى اللى جثم على صدورنا بالصدفة لانه جه عليه الدور ، ازمتنا الحقيقية بدأت بعد انقلاب 52 و ما فعله المدمر الاكبر جمال عبد الناصر اللى دمر كل شئ و خلانا بنبدأ من جديد عشان يضيع من عمر مصر اكثر من 100 سنة كاملة عشان توصل للى كانت فيه، المهم انى حاسس ان الشعب يقدر يعمل حاجة و يخلى النظام يقدك بعض التنازلات رغم ان ده مش كفاية و مش على قدر مصر
ReplyDeleteياريت بجد نفوق ونقدر نعمل حاجه
ReplyDeleteتغير من الوضع الي احنا فيه
مع انى مش متفأله باننا ممكن نعمل كده بس لازم يكون عندنا الامل في اننا ممكن نتغير ونعمل حاجه
شكرا لكِ
مش عارفة انا مش متفائلة يعني بالبرادعي
ReplyDeleteانا من رايي ان السياسة ليها ناسها
و العلوم ليها ناسها
و البرادعي شخصية علمية ازاي نتخيل انه يبقى رئيس
يا ناس ده طبيعة شغله انه مش قاعد في مصر ابدا
يبقى هيعرف مشاكلها و مشاكل اهلها ازاي
احنا بنمشي ورا التيار و خلاص و زي ما تيجي
و صدقوني الناس هتفضل تتكلم و نجري و نلف و ندور و في الاخر مش هنلاقي غير مبارك او جمال
اهم هم و حكوماتهم ياما سرقوا و اكيد شبعوا شوية من التقطيع في لحم الناس
اما الرئيس الجديد و حكومته الجديدة فلسة جعانين و هيبقوا عايزين ياكلوا و يقطعوا في لحوم الناس من جديد و الناس طبعا ما بقاش عندها لحمة تتاكل بصراحة بقوا عضم على عضم
و كل الاحوال بجد ربنا يتولانا و اجرنا على الله
شكرا يا تيرز يا حبيبتي
و بجد واحشاني خالص اوي
تقبلي كل حبي و تقديري
أميرة الأحلام
ReplyDeleteلقد عبرتى عن ما اردت قوله...اشكرك
تييرز
ReplyDeleteانا كل اللى فكرت فيه هو تهدئة الخواطر والمشاعر الجياشة النبيلة
" ياترى قربنا بجد"... اكيد كل حراك سياسى بيقربنا
بس جنى الثمار بياخد وقت
ومن الاخر
ما اضيق العيش لولا فسحة الامل
تحياتى
Shaimaa
ReplyDeleteيسمع من بقك ربنا
بس الخوف ان عينه الناس اللى بتكلمى عنهم دول لا بيهشوا و لا بينشوا
!
يا رب يكون الأمل و يسمع صواتنا و نرجع امجاد ثورة 19 تاني
ReplyDeleteاندفاع البعض فى التعلق بامل البردعى هو أمل فى التغيير
ReplyDeleteمبارك لسه ماتعبش من الحكم ولا زهقش من السلطة
ReplyDelete