إحترامي لسوق الفاكهة و الخضار .... بيهم الدنيا ماشية و مبتفرقش بين المتعلم و الحمار
إحترامي للكوسة و البطيخ ... بيهم حتقضي أمورك لو حتى في المريخ
إحترامي للبامية و المهلبية ... بيهم بيتاخد كل قرارتنا الحيوية
إحترامي للخس و الجرجير ... من الديدان اللي ملياهم بنعرف واقعنا المرير
إحترامي للخيار و الفقوس ... بمبدأهم على رقبة أي مفكر بندوس
إحترامي للبتنجان ...طعمه فايح في كل قرارتنا من زمان
إحترامي للقلقاس ...عشان شبه معظم عقول الناس
إحترامي للبطاطس ...من كتر مبيداته عرفت أد إيه الحاكم بشعبه حاسس
إحترامي للملوخية ... بيها بنحبك كل طبختنا السياسية
إحترامي للمحشي ... بيه بنرسم سياسة التعليم و بنحشي عقل الطالب بالامبالاة و الإنهزامية
إحترامي للقرع ... من خلاله كل من طول ذقنه بقى بيتكلم في الفقه و الشرع
إحترامي للعناب ... خلانا نسيب الكتاب و نركز بس في الحجاب
اهداء للمدونة من
Last Resort
الخيار الخيار الخيار
ReplyDeleteواحترامي كذلك للقلقاس .. لأنه هو اللي ماشي سوقه كل واحد يقرأ كام كتاب ويطلع في التلفاز يتفلسف ويفتي ويحي ويتحاكى
ReplyDeleteنقد ساخر جميل ولذيذ .. سلمت الأنامل
ايه الروعة و الجمال ده ؟ وصف اكثر من رائع
ReplyDeleteتحياتى لك و لكاتبها
انا بحب الكوسة جدا
ReplyDeleteهههههههههههه
وما مصر الا كوسة كبيرة
تحياتي
Last Resort ه
ReplyDeleteده باين عليه دماغ اووووي والله كلام بجد سلطة فواكه ...عنب عنب عنب..شكرا يا تيرز
تدوينتان متتاليتان تسلمان للقبح الذي فينا وترفعان له القبعة أعرف ان هذا من نوع الكوميديا السوداء التي تضحكنا بهمومنا وبأسوء مافينا لكن نوعا ما تؤدي الى نوع من الألفة مع هذه العيوب في حين المطلوب استهجانها ورفضها
ReplyDeleteتحياتي وودي
ايه الجمال ده ربنا يكتر في خضارنا وفواكهنا ههههههههههه
ReplyDeleteاممممممممم
ReplyDeleteحكاية الخضار دي حلوة اوووي علي فكرة
كنت كتبت مقال بيوصف حالة سياسية بالخضار
ومش عايزة اقول حاجة بجد اصل انت قلت كل اللي يتقال
Sharm
ReplyDeleteشكرا لك شارم
elmasryeffendi
ReplyDeleteأشكرك و اؤيدك
:)
♥♥ شذا ♥ الروح ♥♥
ReplyDeleteاشكرك عزيزتى و ابادلت التحية بس كل كلامك الحلو ده لازم يروح لصاحب الكلمات المتميزة اعلى
Last Resort
Haytham Alsayes
ReplyDeleteلا و الله يا هيثم الكوسة ارحم من مصر
فاروق بن النيل
ReplyDeleteاشكرك استاذ فاروق على المتابعة