حاسة ان التلفزيون نفسه يعيط من كتر المسلسلات و البرامج و الاعلانات و المجهود اللى بذله فى رمضان
اسوأ شىء بلا منافس
هو اعلانات التسول المنتشرة على قنواتنا المصرية و اللى كلها متاجرة بأوجاع مرضى و اطفال كأننا بنشحت عليهم زى المتسوليين فى الشوارع بالضبط و كأن مافيش حكومة و لا نظام و وزارات و مجتمع مدنى يحفظ كرامتهم و آدميتهم و يحترم اوجاعهم و يوفر لهم الرعاية و العلاج كحق اصيل لهم فى وطنهم مش حسنه من اصحاب القلوب الرحيمة اللى قلبهم لازم يتقطع لما يشوفوا مرضى القلب و السرطان و العمى و الفشل الكلوى و الكبد الوبائى الخ......
مافيش اى دولة فى الدنيا قنواتها بتجيب اعلانات بالفجاجة و الالحاح ده و بتهين المرضى و تشهر بيهم و تشحت عليهم كده
أفضل مسلسلات
مسلسل العار: بيخلى المشاهد يفكر و المخرجة شيرين عادل مش بتخلى المشاهد يمل و بتنقل الاحداث سريعا
مسلسل اهل كايرو: فكرة جديدة و اخراج مختلف و اغنية تتر مميزة بصوت حسين الجاسمي
مسلسل قصة حب: رسالة مهمة من جمال العدل ...ايمان حداد مخرجة موهوبه و مكسب حقيقي
مسلسل الجماعة: برضة وحيد حامد كان حنين
البرنامج
كله مكرر و معاد و نفس الضيوف و الاسئلة و الاجوبة و الافكار
اجمل بسمة
مسلسل الكبير اوى لاحمد مكي
أحلى اعلانماجد الكدوانى فى اعلان اتصالات
احلى تعبير سمعته
ان الحب عامل زى الحادثة....قالها باسم سمرة فى مسلسل فتاة ليل
عيد سعيد على الجميع
ReplyDeleteو كل سنة و انتم طيبيين :)
كل سنة وأنت طيبة
ReplyDeleteTears
وحشتنى كتاباتك
أنا معاكى فى موضوع الأعلانات تسول بدون كرامة
ده غير الأعلانات المستفزة الأخرى
أعلان أتصالات بتاع ماجد الكدوانى حلو بس لو يشيل عبارة لو البنطلون طرى مش حألبسه الى مش فاهمة معناه ايه
أنا كنت متابعة العار يوميا وهو جميل فعلا وأحدثه مشوقة وأروع أداء فيه كان لأحمد رزق مثل دور بإتقان شديد فى نظرى هو أفضل من قام بالتمثيل فى المسلسل
أهل كايرو مختلف وانا لم أتابعه غير من أسبوع برضة متيمز ويحسب له تجميع ممثلين ناس كتير نسيتها والتتر حلو جدا
الباقى بقى معرفش عنهم حاجة بس كنت شفت مقتطفات من عايزة أتجوز وهو أستظراف زائد عن الحد
تحياتى
مع تمنياتى لك بقضاء عيد سعيد إن شاءالله
كل سنه وانتى طيبه يا تيريز
ReplyDeleteعيد سعيد على الجميع
نورتى مدونتك
بوست على حق
دمتى بخير
تيرز
ReplyDeleteكل سنة و انت طيبة
و معلش ع البمستات الرخمة بتاعتى اليومين اللى فاتوا
بس انا كنت منزل معايدة و رجعتها تانى
التعليق بقى
عندك حق فى موضوع الأعلانات دة يعنى مش ممكن منغير الحالات ليه اهدار الأدامية
انا بقا مشفتش غير المسلسل اللى انتى مكتبتيش عنه
شيخ العرب همام
مسلسل برغم اللغط اللى عليه بس حبيته جدا
علشان المواقف الأنسانيه التعليميه اللى فيه
بجد انا اتأثرت بيه جدا
نسيت صحيح احلى اعلان ماجد الكدوانى
نص البطيخة يا حج (:
و ليك دماغ تضحك يا عم رامى و انت عمال تتحفنا ببوستات رخمة
معلش السماح بس كنت هطق كنت لازم اكتب
ربنا يعيد عليكى و ع الأسرة و كلنا بخير و سلام و محبة يارب
اسوأ اعلان هو اعلان جبنة المصريين اهانةللاغاني الوطنية والانتماء وشوية الحماس اللي كنا بنتشعلق بيهم للتباهي بمجد سابق وحضارة كانت ويليه الاعلان المستفز اعلان الرجولة عن طريق شرب بريل استخفاف واهانة للرجوله
ReplyDeleteالعار اجمل مسلسل ورسالة
كل سنة وانت طيبة وعيد سعيد
الحب جميل
ReplyDeleteاهلا بيكى و كل سنة و انتى بخير و سعادة
just waiting
ReplyDeleteمرسية اوى :)
و كل سنة و انتى بخير و حب
و ازاي طاوعك قلبك و قدرتي تنسي مُزّة الشاشة الصغيرة الجديدة غادة عبد الرازق ؟؟
ReplyDeleteكل سنة وانتي طيبة يا تيرز
ReplyDeleteانا للاسف معرفش حاجة من دول لأني مش تابعت حاجة السنة ديه :)
بس هبقى اسلي نفسي كده مسلسل كل فترة قدامنا سنة كاملة
عيد سعيد عليكي
كل سنه وانتى طيبه
ReplyDeleteعيد سعيد
تيرررررررررررز
ReplyDeleteوحشتينااا اوى يا احلى تيرز
ويلكم بااك
وكل سنة وانتى طيبة ياارب وبكل خير وسعادة وسلام
ويارب كل ايامك تكون افراح واعياد
يا احمل عقل وروح
بوكيه ورد بحاله ليكى
كل عام وانتي بخير يا رب ينعاد عليكي بالصحه والسلامه
ReplyDeleteكل سنة وإنت طيبة واضح إنك متابعة جيدة لتليفزيون
ReplyDeleteالمصري في رمضان
:D
كل سنه وانتي طسيبه يا تيرز
ReplyDeleteتيرز الرائعة،
ReplyDeleteكل سنة و انت بخير و سعادة و سلامة
كل سنة و انت مبدعة و عقل رصين و عظيم
فعلا مسلسلات رمضان كانت كتير قوي، انا كنت بتابع ثلاثة اربعة في نفس الوقت أثناء فواصل الإعلانات المملة جدا
مسلسل العار كان ممتاز جدا و أجاد أبطاله بإمتياز شديد.
مسلسل الجماعة كان مسلسل يستحق المشاهدة رغم إنني أرى أنه كان رحيما بالإخوان إلى حد ما، لكنه أوضح نقطة للأسف لا يعيها الكثيرين و هو أن الدين يفسد السياسة و السياسة تفسد الدين.
إنقلاب أتباع حسن البنا عليه شيء طبيعي جدا و نتيجة حتمية لكل من يتصور أنه وحده حامل لواء الدين و محتكر التعليمات الإلاهية... كل النماذج التي أعطت لنفسها الحق في فرض سيطرتها بإسم الدين فشلت فشل ذريع ليس على المستوى الإسلامي فقط و لكن أيضا على المستوى المسيحي في أثناء حقبة العصور المظلمة في أوروبا عندما سيطرت الكنيسة على الحكم.
دور الأسرة المالكة الوهابية في تمويل الجماعة تؤكد قناعتي بأن الدولة الوهابية هي العدو التاريخي و العصري الأول لمصر.
أرى أنه من الضروري أن يراجع المسلمين نفسهم في مفهوم الجهاد، و يجب أن يعلموا أن إعلاء قيمة العلم جهاد، إدراك قيمة العمل جهاد، تربية نشء مثقف يمتلك ضمير حي جهاد... الجهاد في سبيل الله ليس بقتل و تعذيب و ترهيب مخلوقات الله.
لكي كل التقدير و الإحترام و الفخر دائما و ابدا
Last Resort
جايدا العزيزي
ReplyDeleteمعاكى حق بس العيب مش فى الحكومة لكن فى الشعب اللى اهان نفسه باللامبالاه و سكوته على النظام الفاسد اللى ضيع كرامته بره و جوه
عيد سعيد عليكي
MSMO
ReplyDeleteكل سنه و انت بخير
فعلا انا متابعة جيدة للتلفزيون بشكل عام لان هو متعتى الوحيدة
تحياتي
السلام عليكم ورحمة الله وبركاته
ReplyDeleteازيك ياقمراية ... مسلسل العار والكبير اوي جمال بجد جدااااااااااا ذوقك راقي واختياراتك متميزة ...اعلانات التسول بتغيزني جداَ
لولا
لـــولا وزهـــراء
ReplyDeleteعيد سعيد عليكى و كل سنة و انتى طيبة
اتنيين حبيبين
ReplyDeleteاهلا بيكى و كل سنة و انتى محبة و رومانسية
تابعت مرة مسلسل بشع لشريف منير و غادة عادل و من ساعتها وانا مش بشوف حاجة لشريف منير بس لو مسلسل بره الدنيا حد قال انه حلو يمكن اتشجع و اتابعه
مدونة رائعه معرفش ازاى لحد دلوقت مشفتهاش بس اكيد من اول انهارده مش هسيب ولا بوست من غير ما اقرأ واعلق تقبلى مرورى وكل سنة وانتى طيبه.منه
ReplyDeleteعاشقة و بدوب فى حبيبي
ReplyDeleteاهلا و سهلا بيكى
شكرا على تشجيعك و كل سنة و انتى بخير و سعادة
يامفتريه العار حلو؟
ReplyDeleteده مسلسل قمه السوء وقمه الفشل ده كفايه ان مصطفي شعغبان ده مالوش كاريزما ولا قبول بيحاول يعمل نور الشريف
اهل كايرو حسيته حلو وده هتابعه بعد رمضان
الجماعه طبعا العمل الفني رقم واحد ل2010 صحيح انه بهدل حسن البنا اللي انا بحبه لكن المسلسل حلو فعلا وشايفه هيبقي افضل في الجزء التاني كمان لما يستعرض سيد قطب
اعلان ماجد حلو مووت
برنامج ابراهيم عيسي علي اون تي في حاجه تفطر حلو برده
مكي معلم طول عمره ماتتخيليش ظبطنا اد ايه
احلي تتر مقدمه شيخ العرب همام بتاع علي الحجار حلو كتيير
اكتر عملين عجبوني الجماعه والكبير اوي .. الباقي ممل وتكرار
ReplyDeleteكل سنه وانت طيبة
ReplyDeleteمصرية من كندا
ReplyDeleteاهلا بيكى وحشيتنى افكارك و اراءك
كل سنة و انتى جميلة
sal
ReplyDeleteعيد سعيد
تييرز
ReplyDeleteكل سنة وانتي طيبة وبصحة وسعادة
فعلا المسلسلات كانت كتير
والاكتر اعلانات المستشفيات والملاجيء
علي اساس ان الناس بتعمل خير في رمضان بس
المفروض طول النة ويغيروا طريقتهم الفجة في الاعلان
المسلسلات الحقيقة لم اتابع اي منها
الا شيخ العرب همام
بس اسمع ان العار كان كويس
اهل كايرو اكيد الاخراج رائع شوفت منه حلقة وعجبتني جدا
الجماعة لم اتنابع منه الا تلات حلقات وفنيا رائع
اما تاريخيا عليه مأخذ
بس وحيد حامد حاول ان يكون محايد شوية
اعلان ماجد الكدواني
بسيط ومعبر وفكرته مبدعة
فيه اعلان بيرل
اعلان مستفز جدا واوفر
خاصة حتة الراجل
طيب يعني لو مشربنهاش مش عنبقي رجالة
احمد مكي
رائع دائما
ومضحك وبيعرف يضحك
دمتي بخير
اهلا بعودتك من الاجازه الطويله..ولقد افتقدناكى
ReplyDeleteكثيرا،فاهلا بكى منورانا
Haytham Alsayes
ReplyDeleteفعلا يا هيثم اعلان بيرل عجيب و مش فاهمه الناس اللى صنعوه بيفكروا ازاى