نقلا عن مدونة مو طاهر
لو ربنا عايز كل حاجه زى بعض لية خلق الليل والنهار، والسما والأرض ، والغازات والسوائل و والمواد الصلبة
لو ربنا عايز كل البشر زى بعض لية خلق الأبيض والإسود ، الطويل والقصير ، الراجل والست ، الغنى والفقير
لو ربنا عايز الناس كلها تؤمن بنفس الشيىء لية بقى فية ناس مسلمة وناس مسيحيه ويهودية وبوذية و هندوسية وبهائيين و … و… و…و
لو ربنا عايز الناس كلها تفكر زى بعض لية خلق اينشتاين و وحسنى مبارك، أحمد زويل و أحمد نظيف
لو ربنا عايز الناس كلها تحب نفس الحاجه ، لية فية ناس بتحب البحر وناس بتحب اليل ، ناس بتحب التفاح وناس بتكرة البطيخ
لو ربنا عايز الناس كلها تتكلم لغه واحده لية خلق ناس بتتكلم عربى وناس بتتكلم انجليزى ، فرنساوى وأمزيغى و هندى و لكنات تانية فى كل لغه
لو ربنا عايز حضارة واحده هى اللى تكون موجوده لية خلق الحضارة الفرعونية والرومانية
الإختلاف من عند ربنا ، لية بيحاولوا يلغوه بإسم ربنا ؟؟ ربنا ادنا الإختلاف علشان الحياة تستقيم
No comments:
Post a Comment