آه لو يفهم

 لو يفهم الرجل ان المرأة جزء منه و هو جزء منها...فهى ان كانت خلقت من ضلعه فى البداية فهو يخلق دائما بداخلها...

 لو يفهم انها بتخاف ليكون بيخدعها او هو نفسه مخدوع لكن بشوية صدق و حنان ممكن يحتويها و يبقى هو كل كيانها.

لو يفهم ان الحياة مش حرب و قهر و أنها تعبت من انها تبقى دائما رد فعل.

لو يفهم ان الحياة مش معركة لازم يثبت فيها انه صاحب النفوذ.

لو يفهم انه بالقسوة بيبعدها و بيخسر راحته و دفء مشاعرها.

لو يفهم ان دوره تقويتها مش اضعافها لان نجاحها نجاح له.

لو يفهم أنه محتاجلها زى ما هى محتاجه له.

لو يفهم انه سند ليها مش عبء عليها.

لو يفهم ان المرأة كتير بتحس بالوحدة ولو وسط الزحام..كتير بتحس بالوحشة...بالخوف...بالبرد.

لو يفهم أنه شريكها فى الحياه و انهم بيكملوا بعض و مخلوقين لبعض و مالهمش غير بعض.

لو يفهم انه بالحب وحده يقدر يعيش السعادة و يعيشها فى سعادة. 

آه لو يفهم أنها عقل و روح انسان مش مجرد جسد.

اه لو يفهم ان حريتها من حريته و كرامتها من كرامته و احترامها من احترامه و ان اساءته ليها هى اساءه لرجولته أولا.

اه لو يفهم معنى القوامة صح و يسيبه من اللى شوه الدين و خلى القوامة انه يضربها وينهب ميراثها و يستغل مرتبها قهرا و يتحكم فيها كأنها عبد بالسخرة.

اه لو يفهم الرجل القوامة على انها احتوائه للمرأة  وقوامته النفسية عليها، فالقوامة ليست قانونا يستخدمه الرجل ضد امرأته بحكم كونه الرجل، ولكنها روح وإحساس وشعور، تحسه المرأة تجاه الرجل بدون إعلان أو تعزيز، إنها تشعرها بقوته وحمايته وتميزه واحتوائه العاطفى والنفسى الآسر لها ولكيانها، هنا تأتى القوامة بصورة طبيعية بدون صراخ أو طلب أو قهر أو عنف.

و اه اه لو يفهم