زماااان اوى أيام ما كنت في الثانوي...من مائه سنه كده تقريبا...كنت مرة واقفة مع صديقتي سارة في شرفه مطله على حديقة المدرسة و كنا نصعد لتلك الشرفه بخمس سلالم.....
فجأة ظهر طفل صغير و طفلة... في تانية حضانة...شكلهم عسل و كانوا ماسكين في أيدين بعض بس الولد كان ماسك فى ايده التانية شنطه و فى لحظة و همه ماشيين زى القمر و طالعين السلم... و صاحبتي سارة بتبصلهم باصه مش حلوة ابدا...تقريبا مش عاجبها الحال و نفسنت...اتكعبل الطفل و وقعت الشنطة منه و وقع منها كتاب و ألوان و تفاحة...
فما كان من سارة الا انها اتجهت بسرعه ناحيته ومسكت أيده عشان يقوم و قالتله "معلش يا حبيبي" و فى ثانية الطفلة صديقته وشها أحمر و بصلتها بغيظ شديد...نظرة حارقة مش بتاعه طفلة ابدا... و بحركة عنيفة بعدت ايد سارة من على كتف الطفل و كأنها بتقولها حبك برص ...جرى ايه مش فاضل غير انك تبوسيه عشان أفتح دماغك!
و هنا راحت الطفلة تطبطب علي صديقها و تلم حاجته اللى اتبعترت رافضة تماما ان تقوم سارة بلمس اى شىء من اشياء الصغير و على طول اخدته في أيدها و مشيت من قدامنا و رمقت سارة نظرة استنكارية احتجاجية استيائية...تقريبا احتقارية كمان !
طبعا سارة ثارت ثورة مزعجة و اتغاظت جدا و قعدت تقول: شوفتى القرشانه خايفة منى على واحد شايل البامبرز من يومين....ده قد ولادى حتى!!
معقول دى تكون مشاعر غيره؟ طيب هى الاطفال تعرف كده؟ دول بيبيهات
مش عارفه ان كانت مشاعر الغيرة غريزية هى كمان و بتبدأ من الطفولة كاحساس جوانا ولا بنكتسبها بس عموما سواء كانت غيرة رجل على امرأه او العكس فانا مش بحب الحكاية دى و بحس انها مرض عند البعض و بتزيد أكتر عند الستات....جايز لان الست عندها بالفطرة احساس بعدم الأمان او جايز لان الرجالة اغلبهم لطاف بزيادة و بيلعبوا بديلهم اللى عايز قطعه و غالبا بيكون عندهم تطلعات مش تمام!بفسر الغيرة دايما على انها عدم ثقه!
يا عدم ثقه فى الطرف الاخر, يا عدم ثقه الانسان فى نفسه او خليط من الاتنين لكن مش قادرة اقتنع ان ده حب لانى لو بحب ح يبقى عندى ثقه فى نفسى اولا و فى الطرف الاخر و ح ابقى عارفه انه ح يحافظ على حريته بحدود زيي تماما فمافيش داعى لوجع الدماغ و الخنقة.
الانسان اللى معندوش ثقة فى الطرف الاخر فى رايي افضل يتركه فورا اما لو معندوش ثقة فى نفسه فلازم يدور على السبب و يعالجة او يروح لدكتور نفسانى يعالجهوله... اما سارة فلازم تبطل نفسنه على المحبين!
بصراحة تدوينة جميلة و شقية قوي، و فيها برائة جميلة قوي
ReplyDeleteفي رأيي الغيرة نوع من الإحساس و المشاعر، بس المهم كيفية التعامل مع هذه المشاعر
أنا على سبيل المثال بغيير على حبيبتي قوي، لكن مش غيرة عدم ثقة ولا حتى غيرة رجل على إمرأة... دي غيرة طفل على مامتو حبيبتو لما يحس إن في أي حاجة قربت منها
نتكلم جد بقى ;)
يجب ألا يقع الإنسان في فخ الغيرة المذمومة و أقصد بالمذمومة هي غيرة الشك، لا يمكن أن تستقيم الحياة مع الشك، من حق الإنسان أن يغيير على عشقه و لكن دون تخوين و إلا ستكون الحياة مريرة و إنهائها أفضل
تحياتي لكي يا تيرز على إضافة بسمة على شفاهنا بهذه التدوينة
Deep Apprecaition & Respect
Last Resort
To Last resort
ReplyDeleteشكرا على مشاركتك
أعتقد ان ما شرحت هو اهتمام و خوف و هو شىء ايجابى لكن ليس غيرة لان الغيرة سلوك منفر
السلام عليكم ...
ReplyDeleteتخليت شكل الفتاة الصغير و كيف تصرفت ...
الغير من الاحاسيس الفطرية الموجودة في كل انسان انما زيادتها عن حدها هو ما لا يحمد ابدا ... و هو ذاك السلوك المنفر ... فزيادة الغيرة عن حدها تجعل الاخر يشعر بالحنق و الغضب عادة ...
ولكن عدم وجود الغيرة بشكل اهتمام بالطرف الاخر شيء لا يحبه الكثيرون ... وتلك الغيرة الموزونة بحيث انها تدفع الالانثى و الذكر للاهتمام ببعضهما البعض ... و تلك بعض من خلائط المشاعر التي نشعر بها بشكل طبيعي غير اننا احيانا لا نحب ان نسميها بما تسمى ولكنها موجودة ... :)
شكرا لك
الغيرة فى حد ذاتها شيئ جميل
ReplyDeleteلكن لما بتزيد عن حدها بتبقى شك وده اللى مش جميل بالمرة
البنت العسولة دى لو شوفتها ابوسها اصلى مريضة بحب الامتلاك ده
ههههههههههه
الوفية للأبـــد -- مها أحمد
ReplyDeleteاهلا بيكى
ما وصفته ليس غيره و لكنه اهتمام و هناك فرق
To الطريق الى الالحاد
ReplyDeleteأحترم رايك و لكن لا اتفق معه فانا علمانية أعتقد فى فصل الدين عن الدولة و لكن ليس عن المجتمع و لكنه يظل علاقة خاصة بين العبد و ربه دون مظاهر او صخب
مؤمنه مسلمة و لكن فهمى للاسلام بشكل بسيط و سمح و تجده فى موضوع سابق عن هذا و ربما لو كان هذا هو الفهم الذى وصل من ألحدوا من المسلمين بدلا من فكر سفك الدماء و الغزوات لظلوا مسلمين لله