ماحدش يقولى صدفة!!حصل موقف شكله كوميدي للمستمع لكن للشخص اللي يعيشه يبقى اقل ما يقال عنه انه عجيب
تعرفت على زوجة لأحد أقاربنا مهتمة جدا بالخرز الازرق و البخور و بتخاف اوى من الحسد و مش بتكلم غير عنه تقريبا... و فعلا بيتها كان كل جدرانه صور لعيون زرقا و رقم خمسه فى كل مكان... و هى نفسها لابسه عين فى رقبتها و يغلب على لبسها و مجوهراتها اللون الازرق...كانت سيدة جميلة أنيقة تشبه جدا الفنانة صفية العمري 
المهم مافيش كام يوم و جت هى تزورنا الصبح في بيتنا الجديد و لاحظت أنها مهتمة جدا بماكياج عيونها بشكل لافت خاصة اننا كنا وقت الظهر..... كانت لطيفة واصرت تتفرج على كل غرف الشقة و هى بتمر سألتنا
هو هنا مافيش حشرات ؟
فقلتلها بقالنا تلت شهور هنا و ماشفناش حاجة من دى
قالت غريبه جدا ان بيت محاط بحدائق بالشكل ده ما فيش فيه حشرات!
بعدها استقر بينا الحال فى غرفة الجلوس و كان التلفزيون شغال و ابدت اعجابها الشديد بلون طلاء الحائط الاصفر و قالت انه مميز و متناسق اوى مع مروحة السقف الخشبية اللى بنجفة اربع لمبات و ان ده اللى مخلى شكل المكان جميلو بعدها دردشنا كتير لغاية ما انتهى اللقاء و الجميع كمان خرجوا و بقيت أنا لوحدى بتفرج على التلفزيون
و فجأه رن جرس التليفون الموجود خارج الغرفة....و يادوب خرجت بره و برفع سماعه التليفون و اسمع صوت انفجار فى الغرفة!!المشهد فى الغرفة كان كالاتى:
احد لمبات النجفة الملحقة بالمروحة انفجرت و يبدو ان سرعه تطاير الشظايا و قوتها بسبب ان المروحة كانت شغاله تركت علامات واضحة على الحوائط...ده غير ان ريشة خشب من المروحة لقيتها مطوحة بعيد و واقعه على الارض بالاربع مسامير اللى المفروض كانوا مثبتينها
....على فكرة ما حدش كان على الخط لما ذهبت للرد على التليفون
المهم انهكت من تنظيف آثار الحرب و دخلت انام
تانى يوم الصبح و انا يادوب لسه بفتح عينيه لمحت خط اسود كثيف ممتد من باب الغرفة المغلق...فبحلقت اكتر
اتضح انه طابووووور نمل............ و بينتهى فين؟
عندى فوق السرير!!!
طبعا مش عايزة احكى على منظر ذراعى المحمر و كم قرصات النمل
صرخت انادى مامتى و اول ما شوفتها...قلتها
طنط فلانه دى ما تدخلش البيت عندنا تانى انا بقالى اربعه و عشرين ساعه بتبهدل
ماحدش يقولى صدفة!!
ههههههههههههههه
ReplyDeleteفكرتينى بمسرحية الهمجى
صدقينى عارفه انك بتتكلمى بجد
ReplyDeleteبس هقولك ايه؟؟؟؟؟؟؟؟
بيحصل
وعلم على صاحبك
جميل والله حد موجودد بالقوة دى ... ممكن عنوانها وعايز أعرفها على كام واحد مضايقنى .. بصراحة حقها تشتغل بمفعولها دة ولو بالساعة أو بالزيارة أو حتى بالنظرة. .
ReplyDeleteو الله حاجة غريبة انا كل ما تعدى عليا فترة و أنسى الحاجات دى الاقى موقف جديد
ReplyDeleteبس على فكرة أنت محظووظة
و أنا ما بحسدشى :)
Kontiki
ReplyDeleteطيب مادام عندك خبرة و عارفه ناس كده...تقدرى تقوليلى ده بيبقى من ايه؟ يعنى لو الواحد عايز يبقى عنده المواهب دى يعمل ايه؟
Well: D my friend , we may define "evil eye" as an extremely spiritual power of evilness with a desire to own things that is not yours which could turn to a series of unfortunate & harmful accidents , you cant buy this " spiritual power " girl it exist in a kind of evil souls only , good girls don't wish for evil things . Right? : )
ReplyDeletethe only defense mechanism i approve is to NOT let her in again :)
ReplyDeleteحمدا لله على سلامتك. انا معاكى ان بيحصل احيانا حاجات غريبى ما لهاش تفسير. لكن زى ما لاحظتى وعشتى الموقف ده، ربنا سبحانه وتعالى دائما يسلم ويحافظ علينا. وما ينفعش مع هؤلاء الا ان نستعيذ بالله سبحانه وتعالى
ReplyDeleteKontiki
ReplyDeleteThe defence required was not meant to be aganist her; but a general mechanism which may be needed with special life situations :)
Just Smile
ReplyDeleteاكيد مش صدفة عشان حاجاتين فى اقل من اربعه و عشرين ساعه كتير اوى
:)
اولا الحسد موجود وذكر في القرآن
ReplyDeleteبس مش العين الزرقه او التخميس ورقم خمسه والملح والحاجات دي الي تمنعه بس الي يمنعه اكيد المعوذتين والدعاء لربنا انه يكفينا شره
ثانيا مش معقول ان كل حاجه علقت عليها تحصل وتبقى صدفه
تالت حاجه بقى انا اتعلمت حاجه من زمان اني مش اقول لحد حاجه الله دا جميل بس الي يعجبني اقول بسم الله ماشاء الله واسكت علشان لو حصلت حاجه بالصدفه محدش يفكر ان انا السبب
تحياتي ليكي وفكرتيني بالراجل الي جاب واحد يحسد واحد فبيقوله الي جاي هناك دا قاله فين قاله هناك اهو قام قاله ياه دا انت نظرك قوي جدا قام الراجل عمى
Just waiting
ReplyDeleteشكرا ليكى و متفقة معاكى
النكته اللى قلتيها فى اخر تعليقك حلوة جدا
:)
.....فاروق إبن النيل
ReplyDeleteطبعا هذا ليس صدفة فالعين للإنسان تحسد وكذا
والشيطان يحسد(كما حسد إبليس آدم) و
هناك سورتان بآخر القرآن وضعت للحسد وتسمى المعوذتان ( قل أعوذ برب الفلق و قل أعوذ برب الناس ) أى الفلق و الناس وتقرآن للحسد وإستعاذه من شر الإنس والجان بالحسد والضرر .
ربنا يكفينا شرهما وشكرا.
farouksam.blogspot.com